Vaktar- og bjargingarskipini Brimil og Tjaldrið eru í hesum døgum í Vestmanna.
Orsøkin er, at tey bæði skipini arbeiða við streymorkuverkinum.
Streymorkuverkið bleiv sjóðsett um hálvan apríl í ár, og skipanin, sum er eitt hjól, sum er ankrað fast í havbotnin í Vestmannasundi, og melur av streyminum.
Tað er felagið FTPP við Uffa Bærentsen á odda, ið hevur víðariment eitt týskt patent, sum ger tað møguligt at framleiða elorku úr sjóvarfalli.
