Leygardagin vórðu boð send eftir Brimil, tí trolarin Sardis hevði fingið trupulleika, tá hann og Topas vóru til fiskiskap á Fugloyarbanka. Tað skrivar Vørn á teirra heimasíðu.
Trolarin hevði fingið eitthvørt um skrúvuna, og hevði tørv á hjálp fyri at fáa tað av aftur.
Um 14 var Brimil á staðnum, og setti fast. Brimil sleipaði Sardis móti Svínoyarvík, har kavarar frá Brimli fóru á sjógv og skóru av skrúvuni.
Tá alt var skorið av skrúvuni, fór Sardis aftur til fiskiskap, skrivar Vørn.
