Føroyska talvlandsliðið hevur í nøkur ár kappast í evropeiskari smátjóðakapping, og hevur staðið seg framúr væl við at vinna kappingina.
Nú fer føroyska bridgelandsliðið eisini at kappast í einari evropeiskari smátjóðakapping á fyrsta sinni. Kappingin verður í Budapest í Ungarn, dagarnar 24. til 27. oktober.
Í Bridge er tað ikki fólkatalið sum avger um talan er um eina smátjóð, men heldur talið av skrásettum bridgespælarum. Tí er Monako ein stórtjóð í bridge meðan Ukraina er ein smátjóð innan bridge.
TRÝST á PÍLIN undir MYNDINI, og hoyr bridgelandsliðsspælaran, Boga Simonsen greiða frá evropeisku smátjóðakappingini, ið Føroyar á fyrsta sinni verða partur av.
