Tær mest umrøddu myndirnar í heiminum í hesum døgum, eru allarhelst tær av bróstunum hjá Kate Middleton, meðan hon og maðurin vitjaðu í Fraklandi.
Myndirnar eru vístar í Fraklandi, Írlandi, Italia, Danmark og Svøríki, meðan bretskir miðlar hava hildið seg aftur, og ikki almannakunngjørt myndirnar.
Nú vísir tað seg, at tað er ein bretskur myndamaður, sum hevur tikið nógv umrøddu myndirnar.
Pascal Rostain, ein av kendastu myndamonnunum í Fraklandi sigur, at myndirnar eru tiknar av einum bretskum myndamanni, sum hevur fingið hetta til uppgávu umvegis blaðið Closer.
Tað skrivar BT umvegis Daily Mail.
Sambært myndamanninum vóru myndirnar tiknar fyri blaðið Closer, sum bað um, at bretska parið skuldi vera fylgt, meðan tey vóru á feriu í Suðurfraklandi.
Sagt verður í somu samrøðu við Daily Mail, at myndamaðurin einans fekk sína vanligu løn fyri myndirnar, men at hann í veruleikanum hevði havt møguleika fyri at fingið upp til
75.000 krónur fyri myndirnar.
