Helmingurin av bretska fólkinum halda, at tað hevði verið best fyri Bretland, at landið tók seg burtur úr Evropasamveldinum. Í einari meiningakanning um spurningin svara 48 prosent, at tey høvdu atkvøtt fyri einum tílíkum uppskoti, um tað kom til fólkaatkvøðu. 36 prosent halda hinvegin, at Bretland eigur at verða verandi í ES.
59 prosent siga, at myndugleikarnir eiga at skipa fyri fólkaatkvøðu um ES-limaskapin.
Kanningin vísir eisini, at 44 prosent av teimum spurdu halda, at tað er ein vansi fyri Bretland at vera í ES, og at tað hevði verið ein vinningur at strika limaskapin.
