Hon er risastór. Nú Stórabretland skal verða vertur fyri olympisku leikunum um fýra ár, hava bretarnir nevnliga gjørt nógv fyri at styrkja um ítróttagreinina, sum nærum ikki fanst í landinum áður. Soleiðis fekk enska hondbóltssambandið fyri tveimum árum síðani avtalu um, at 15 kvinnur og 15 menn sluppu á ítróttacollege í Aarhus, har tey ganga á hondbóltslinjuni. Seks av hesum næmingum eru í dag á enska landsliðnum, og hartil verður eisini roynd at styrkja liðið við naturaliseraðum spælarum, og tí er talan í dag langt ífrá um sama walk-over, sum tað var fyri tveimum árum síðani hjá føroyska liðnum.
