Norski hópdrápsmaðurin Anders Behring Breivik hevur søkt myndugleikarnar um loyvi at skráseta ein nýggjan flokk. Tað skrivar blaðið Aftenposten. Blaðið veit at siga, at fyribils hava myndugleikarnir sagt nei, men at Breivik vil ikki góðtaka svarið.
Ætlanin hjá Breivik er sambært blaðnum at stovna ein facistiskan flokk, sum á demokratiskan hátt skal taka við valdinum í Noregi. Í umsóknini skrivar Breivik, at flokkurin skal útvega sær parlamentariska undirtøku til at skipa eitt norskt-norðurlendskt upprunafólkaríki í Sør-Østfold, og sum skal eita Norge-Yggdrasil. Hann skrivar eisini, at fyribils er hann einasti limur í flokkinum.
Anders Behring Breivik myrdi 77 fólk á Oslo og á Utøya tann 22. juli í 2011.
