- Borgarar á Norðoyri hava í langa tíð víst á tørvin at fáa betri ferðslutrygd á Norðoyri.
Soleiðis siga tey í Klaksvíkar kommunu í dag.
- Pengar eru nú settir av til at breiðka vegastrekkið á Fornavegi og Flatnavegi, og hetta er eitt týðandi stig at betra um ferðslutrygdina á Norðoyri.
Víst verður á, at tá vegurin verður grivin upp, gevur hetta møguleika at leggja gøtuljóskaðal oman til lendingina, og tí eru nýggj gøtuljós oman til lendingina eisini partur av verkætlanini.
- Gongubreyt og onnur ferðslutálmandi átøk eru eisini partur av verkætlanini, sum fer í gongd í morgin, 11. desember, siga tey í Klaksvíkar kommunu.
