Fyri løtu síðani fór brandalarmurin á Føroya Studentaskúla í Hoydølum í gongd, og boð vórðu beinanvegin send eftir Tórshavnar Sløkkiliði.
Í samband við at tilbúgvingarætlanin verður dagførd, varð henda brandvenjingin hildin á studentarskúlanum í Hoydølum.
- Hetta er ein roynd av ávaringarskipanini á skúlanum, rýmingarleiðum og atkomumøguleikum hjá sløkkiliðinum, verður sagt.
Sagt verður, at hetta var bert ein venjing, og tí var ongin orsøk til panikk.
Brandalarmurin fór í gongd klokkan 10:30, og góðan hálvan tíma seinni fór sløkkiliðið avstað aftur.
Mynd: Tað sá kanska ógvusligt út, men talan var bert um ein roynd, tá boðað varð frá eldsbruna í Føroya Studentaskúla í Hoydølum (Mynd: Linda Vest Niclasen)
