Seinnapartin í dag helt onkur, sum koyrdi fram við gamla bygninginum í Mjørkadali, har arrestin nú heldur til, at eldur var í har uppi.
Brandbilar og onkur løgreglubilur vóru inni á økinum, og fólk gingu um kring.
Men, her var eingin óvæntaður eldur, tí hetta var venjing - og bara venjing.
Á løgreglustøðini í Havn sigur vaktleiðarin, at talan var um venjing, sum fór fram í Mjørkadali í dag.
- Hetta er venjing í samstarvi millum sløkkilið, arrest og løgreglu, sigur vaktleiðarin.
Myndirnar tók Birgir W. Høgnesen.
