Brandur vann á Róki - Teis og Sjúrður taptu

Fýra føroyingalið vóru í leiki í næstbestu donsku hondbóltsdeildini í dag.

Rókur Akralíð gjørdi sítt við at skjóta fýra mál tá lið hansara, HC Odense á heimavølli tók ímóti Brandi Halgirssyni og hinum í Ajax. Ajax vann dystin 30-25. Odense var væl við í fyrra hálvleiki, og í steðginum var javnleikur 12-12.

Brandur Halgirsson tók sum vant nógv tøk í verjupartinum, og hann fekk eisini tvær tvær minuttirs útvísingar, men kom ikki á málskjótaralistan hjá Ajax.

Enn einaferð vóru Teis Horn Rasmussen, Sjúrður Olsen og hinir í Tønder fyri einum teprum eittmálstapi. Tað hevur hent nakrar ferðir hetta kappingarárið.

Teis skoraði trý mál og Sjúrður skoraði tvey mál tá Tønder á útivølli tapti 30-31 fyri Skovbakken. Í steðginum var Tønder á odda 17-14. 

Tá 56 minuttir vóru farnir var Skovbakken á odda 30-26. Tað eydnaðist Tønder at stríða seg upp á javnleik 30-30, men ólukkutíð skoraði Skovbakken til 31-30, ið gjørdist sigursmálið.

Oddaliðið HØJ uttan Róa Berg Hansen á liðnum spældi javnleik 29-29 (14-16) móti Sydhavsøerne á útivølli.

Í morgin spæla Leivur Mortensen og liðfelagarnir í Odder á heimavølli móti Otterup.

Støðan: