- Vit fordøma upp á tað harðasta dagsins álopum á Ukraina. Álop á sivilfólk kunnu ikki góðtakast og mugu steðga í stundini.
Tað sigur ST-umboðsmaðurin fyri Miðeystur, Asia og Kyrrahavið, Mohamed, Khaled Khiari.
ST-trygdarráðið hevur verið saman í kvøld á einum bráðfeingis fundi. Evnið á fundinum var "Friður og trygd í Ukraina", sigur trygdarráðið.
Boðini um skundfundin komu eftir ógvusligu russisku rakettálopini á Ukraina fríggjanáttina, har fleiri enn 30 fólk eru deyð, og mong eru løstað.
Álopini verða roknað sum tey harðastu, síðan Russland leyp á Ukraina í februar 2022.
- Ein keypsmiðstøð, ein tokstøð, útbúgvingarstovnar og íbúðarblokkar vórðu rakt samstundis, sigur ST-umboðsmaðurin hjá Albania, Ferit Hoxha.
Hann vísir á, at Russland altíð sigur, at teirra álop eru vend móti hernaðarligum málum, men í veruleikanum eru tey vend móti sivilum málum og undirstøðukervinum.
- Hetta hendir aftur og aftur, leggur ST-umboðsmaðurin hjá Albania aftrat.
##med2##
