Brýtur Annika lyftið?

Fyrr hækkaðu pensjónirnar av sær sjálv­um fýra prosent um ár­ið. Tær vóru »javn­að­ar«. Men hesa javn­ing hev­ur løg­ting­ið tik­ið av. Hetta er ikki eitt projekt hjá sit­andi sam­gongu. Tað var und­an­farna sam­gonga, sum gjørdi av, at pen­sjón­ir­nar skulu ikki hækka av sær sjálv­um, sum hendan samgongan bara hev­­ur tikið undir við.

Men tá samráðingar seinast vóru á al­menna ar­beiðs­markn­að­i­num, vóru krøvini hjá Fíggj­ar­mála­ráð­num greið: Ein­gin løn­ar­hækk­ing. Hetta bleiv tó til 220 krón­ur um mán­að­in. Sam­stund­is kom lyft­ið frá sam­gong­uni um, at pen­sjón­ir­nar skulu hækka tað sama, sum løn­ir­nar ann­ars. Og tað má so merkja 220 krón­ur um mán­að­in. Tað var eftir ynski frá lands­stýri­num, at talan ikki bleiv um eina pro­sent­vísa hækk­ing, men eina hækking í krónum til tey lægst løntu.

Hóast Annika Olsen hevur givið pen­sjón­ist­u­num hetta lyftið, so bendir alt á, at hon gongur frá hes­um lyfti nú. Hon sig­ur, at al­mennu løn­ir­nar runt rokn­að eru hækk­að­ar eitt pro­sent. Og sam­bært henni merk­ir tað, at pen­sjón­ir­nar skulu hækka 32 krón­ur um mán­að­in, tí tað eru bara við­bøt­ur­nar, sum skulu hækka, tí grud­upphæddin ligg­ur føst.

Men hetta góðtaka pen­sjón­ist­ar­nir sjálv­andi ikki. Lands­stýr­ið hev­ur enn­tá sagt, at tað bara eru lágu løn­ir­nar, sum skulu hava lønarhækking. Tað merk­ir, at løn­ir und­ir 30.000 um mán­að­in skulu hava hes­ar 220 krón­ur í løn­ar­hækk­ing um mán­að­in, með­an løn­ir yv­i­r 30.000 einki fáa. Fólka­pen­sjón­ist­ar telj­ast so at siga all­ir í tann bólk­in, sum fær und­ir 30.000 krón­ur um mán­að­in. Tað merk­ir í rund­um tøl­u­m, at um pen­sjóns­hækk­ing­in upp á eitt pro­sent, ella 32 krón­ur um mán­að­in, kost­ar lands­kass­a­num 2,5 mill­i­ón­ir um ár­ið, so kost­ar hækk­ing­in upp á 220 krón­ur um mán­að­in, so sum lands­stýr­ið hev­­ur lov­að, lands­kass­a­num ein­ar 18 milli­ón­ir krón­ur – bara fyri fólka­pen­sjón­ist­ar­nar altso.

Annika Ol­sen hev­ur sum upp­gávu at spara 53 mill­i­ón­ir krón­ur á sínum øki­. Æt­­­lan­in hjá sam­gong­uni og Fólka­­flokk­i­­num var at hækka pen­sjóns­ald­­ur­in longu næsta ár – og so­leið­­is spara 33 milli­ón­ir krón­ur. Men hesi æt­lan hev­ur lands­stýr­ið slept.

Spurningurin er so, um Ann­ika Ol­sen ætlar, at pen­sjón­ist­ar­nir sjálv­ir skulu rinda prís­in fyri, at fólk milll­um 67 og 68 ár fáa fólk­a­pen­sjón næsta ár.

Tað er einki nýtt í tí, at pen­sjón­­ist­­ar eru við sviðusoð. Men tað er ó­­dám­ligt, tá pol­it­iska skip­an­in bein­­leið­­is lump­ar eldra ættarliðið.