Javnaðarflokkurin heldur, at áhugamálini hjá føroyska brúkaranum eru ógvuliga illa vard. Og tí heldur hann tað vera alneyðugt at fáa eina brúkaralóg setta í verk.
Í valupplegginum, sum Sosialurin partvís hevur fingið innlit í, lovar Javnaðarflokkurin, at ein brúkaralóg verður sett í verk við brúkarastovni og brúkaraumboði.
Hesi skulu hava sum høvuðsuppgávu at upplýsa, ráðgeva og verja brúkaran móti órætti, eins og tey skulu viðgera øll brúkaramál.
