Mannarættindafelagsskapurin Human ¡Rights Watch vil vera við, at neyðtøkur verða framvegis brúktar sum skipaður ágangur ímóti tí svarta fólkinum í Darfur.
Felagsskapurin sigur, at hvørki teir sudansku stjórnarhermenninir ella hermenninir í altjóða friðarvarðveitandi herdeildini gera nóg mikið fyri at verja genturnar og kvinnurnar ímóti teimum arabisku álopsmonnunum. Tvørturímóti bendir nógv á, at sudanski stjórnarherurin styðjar álopsmenninar, og herfyri skrivaði ST í einari frágreiðing, sum sudanskir hermenn tóku lut í neyðtøkunum.
Tey seinastu fimm árini hava umleið 200.000 fólk latið lív orsakað av ófriðinum í Darfur, og tvær milliónir fólk eru flýdd heiman.
