Fleiri bilførarar fingu ikki stundir at steðga, tá ein partur av einari motorvegbrúgv millum kanadiska býin Montreal og forstaðin Laval datt niður.
Fimm fólk vóru í tveimum bilum, sum hvurvu undir tí partinum av brúnni, sum datt niður. Tey eru uttan iva deyð beinanvegin, tí tá bjargingarmenninir sluppu fram at bilunum 15 tímar eftir vanlukkuna, vóru bilarnir kroystir næstan flatir undir teimum stóru betongstykkjunum. Tey, sum vóru í hinum bilunum, sum fóru útav, vóru hepnari, men seks teirra máttu á sjúkrahús.
Sjónvarpsstøðin LCN visti at siga, at fleiri fólk høvdu ringt til løgrergluna, áðrenn vanlukkan hendi, tí tey hildu seg hava sæð, at rivur vóru komnar í vegin á brúnni.
Hetta er onnur vanblukkan av hesum slagnum á motorvegnum við Montreal. Fyri fimm árum síðani hoyknaði ein brúgv við forstaðin Laval, og ta ferðina doyði eitt fólk, og tvey fingu skaða.
