Klokkan 9.30 í morgun náddu Boys in a Band til Eiðis, har teir góvu konsert á flagtekjuni á einum bussskýli
Fitt av fólki var komið saman á Kirkjuvegnum á Eiði, tá Boys in a Band á teirra 24 tíma konsertferð kring landið vitjaðu í morgun kl. 9.30.
Pallurin gjørdist tekjan á bussskýlinum og vóru boysanir væl upplagdir, hóast svøvnurin hetta seinasta samdøgrið mann hava verið so sum so.
Boys in a Band spældu trý løg á tekjuni, og áhoyrararnir tóku sera væl undir við óvæntaðu framførsluni.
