Fiskivinnusamráðingar vóru við Ísland í gjár. Føroyingar fáa aftur í ár loyvi at fiska 5.600 tons av botnfiski við Ísland. Føroyingar fáa í ár loyvi at fiska 30.000 tons av lodnu í íslendskum sjógvi. Eisini eru føroyingar og íslendingar samdir um, at tað aftur í ár skal verða loyvt at fiska svartkjaft og sild hjá hvørjum øðrum, t.v.s. at føroyingar kunnu fiska av svartkjaftakvotuni og sildakvotuni í íslendskum sjógvi og íslendingar í føroyskum sjógvi, tað skrivar Fiskifrettir.
