Mikudagin hin 18. apríl hevði Eivind Petersen 70 ára starvsdag í bygdarhandlinum í Oyndarfirði.
Oyndarfjørður er partur av Runavíkar kommunu, og í hesum sambandi var borgarstjórin í kommununi, Magnus Rasmussen, í Oyndarfirði og heilsaði upp á Eivind Petersen.
70 ár er óvanliga long starvstíð, og nógv fólk var samankomið í Oyndarfirði at hátíðarhalda henda sermerkta dag hjá Eivindi Petersen.
