Borgarstjórarnir í Suðuroynni hava á fundi í kvøld viðgjørt læknaviðurskiftini í oynni Ì eini niðurstøðu frá fundinum vísa teir til fundi, sum var 9. mai í fjør og har landstýris- og løgtingslimir úr oynni vórðu kunnaðir um læknaviðurskiftini í oynni.
- Sjúkrahúsleiðslan og læknarnir kunnaðu um støðuna og útlitini, verða viðurskiftini ikki tikin í álvara og bøtt. Á hesum sama fundi løgdu sjúkrahúsleiðsla og læknar
uppskot fram, sum vísti á eina brúkiliga loysn viðvíkjandi læknaviðurskiftunum.
- Av tí, at eingin loysn er fingin á viðurskiftunum ? heldur eru tey versnað, eru borgarstjórarnir samdir um, at krevja ein fund við landstýrismannin í heilsumálum Aksel Johannesen, tá hann kemur suður ? eftir ætlan í næstu viku.
- Borgarstjórarnir harmast um, og góðtaka ikki, at málið ikki er tikið í nóg stórum álvara, og at suðuroyingar skulu liva undir tílíkum ótolandi ótryggum viðurskiftum siga teir allir sjey í felags yvirlýsing í kvøld
