Almennur borgarafundur verður í skúlanum í Kaldbak í kvøld 19.00.
Tað er á-hugabólkurin í Kaldbak, sum skipar fyri, og skráin fyri fundin verður hendan:
1: Kunning um samskiftið og fund við Tórshavnar býráð, støðan í kommununi, og orðaskifti um málið.
2: Uppskot um at kæra Tórshavnar kommunu fyri Kommunala Eftirlitið.
Orsøkin til uppskotið um kæru er: Eftir samanleggingarsáttmálanum skal kaldbaksnevndin umrøða og gera tilmæli í øllum málum, sum hava við Kaldbak at gera. Málið at broyta byggisamtykt og leggja vinnuøki við Kaldbaksfjørð varð ikki, sum ásett í sáttmálanum, lagt fyri nevndina.
3: Uppskot til yvirlýsing.
4: Uppskot at velja nevnd at fyrireika og gera uppskot til viðtøkur fyri eitt áhugafelag fyri bygdirnar Sund, Kaldbaksbotn og Kaldbak.
5: Ymiskt.
Fyri á-hugabólkin hava Marin Vang og Jóhann Mortensen skrivað undir.
