Sambært íslendsku fjølmiðlunum eru gæsnar vorðnar ein stórur trupulleiki fyri bóndurnar, tí tær gera stóran skaða á bøin. Tí vilja bóndur nú fáa loyvi at skjóta gæs.
Men gæsnar hava eisini sínar vinir. Formaðurin í íslendska gásasamtakinum, Eiríkur Blöndal, sigur, at nakrir bóndur hava biðið um loyvi at skjóta gæs, men at enn hevur eingin fingið tílíkt loyvi.
Sum eina loysn nevnir formaðurin, at aðrastaðni hava tey havt góðar royndir við at leggja lendi av til gæs.
Sambært fjølmiðlunum er samskifti millum bóndurnar og umhvørvismálaráðið um málið, og bóndurnir vænta, at ein loysn verður funnin, skrivar Vísir.
