Fyrsta umfar í landskappingini í fótbólti verður seinnapartin í dag. Tá skulu øll tíggju feløgini í eldin.
Hetta er 73. kappingin, síðani tað mitt undir 2. heimsbardaga varð lagt til brots. Fyrstu kappingarnar vóru í 1942 og 1943. Í 1944 var ikki kappast um meistaraskapin. Tað komst av, at tað var so torført at fáa fatur á bóltum.
Síðani 1945 hevur verið kappast á hvørjum ári. Harvið verður tað í dag farið undir 73. kappingina.
Hetta er fyrsta ferðin, at tað longu 1. mars er landskapping í fótbólti á skránni. Feløgini ynskja, at kappingin skal vera liðug tíðliga í oktober. Tað verður hildið vera hugaligari at fyrireika seg og kappast, tá ið dagarnir leingjast enn, tá ið tað verður alt myrkari.
Í dag klokkan 15.00
HB-AB: Lars Müller
NSÍ-FC Suðuroy: Alex Troleis
Víkingur-ÍF: Eiler Rasmussen
TB-KÍ: Petur Reinert
EB/Streymur-B36: Rúni Gaardbo
