Týskvøldið klokkan 19.30 fer Bergur Rønne Moberg at halda fyrilestur í Norðurlandahúsinum.
Fyrilesturin snýr seg bæði um føroyskar bókmentir innanhýsis og sambandið millum gongdina í føroyskari bókmentasøgu og megintættir í vesturlendskari hugsan.
Innanhýsis viðurskifti sum stríðið fyri málsligum, mentanarligum og politiskum sjálvstøði verður sett í samband við, hvussu føroyskar bókmentir brúka henda samtekstin í móttøkuni, týðingini og tulkingini av rákum uttaneftir. Serliga verður hugt at føroyskum bókmentum sum eina ikki-metropola og staðarhugsandi tilgongd til modernitet (t.d. alheimsgerð) og modernismu.
Bergur Rønne Moberg (sum fyrr æt Hansen) er føddur í 1965, uppvaksin í Kollafirði. Hann er útbúgvin magistari í norðurlendskum á Københavns Universitet, seinni bleiv hann eisini ph.d. Hann starvast sum eksternur lektari á Institut for Nordiske Studier og Sprogvidenskab.
»Á langbylgju« er fyrsta yrkingasavnið hjá høvundinum, sum í mong ár hevur verið kendur sum ummælari og greinskrivari.
Fyrilesturin er í Skálanum er almennur og ókeypis.
