Klokkan 20 í annaðkvøld - týskvøldið 11. november - verður bókaframløga í bygdarhúsinum við Gjógv.
Tað er Petur Jacob Sigvardsen, sum í hesum døgum gevur út bókina "Frá náttúruhúshaldi til lænta vælferð".
Innihaldið í bókini er um eina samfelagsliga kollvelting, har eitt nú siðbundna fiskivinnan, fiskimenn og heim teirra eru farin í søguna, um bygdirnar, ið bløða so líðandi burtur, og um nútíðarføroyingin, ið hevur sagt náttúrhúshaldinum farvæl og heldur seg kunna liva av læntari vælferð.
- Høvi verður at ogna sær eitt eintak av bókini og at fáa høvundin at signera.
Tað veit Sunda kommuna at siga í dag. |
