Í gjár hevði løgreglan nøkur átøk við skúlar í Eysturoy og Havn, har hugt varð eftir, um børn sita rætt íbundin.
- Her var gott skil á í Havn, har einki mál varð skrivað, men í Eysturoy høvdu vit eitt mál.
Vaktleiðarin visti í morgun at siga, at her var tað ein bilførari, sum ikki sat íbundin í trygdarbelti.
- Men, hvørki í Eysturoy ella í Havn var nakað mál um børn, sum ikki vóru íbundin.
Løgreglan var eisini við barnagarðar í gjár, og her var heldur einki mál skrivað.
- So vit mugu bara staðfesta, at her var alt í lagi, og børnini sótu rætt íbundin, visti vaktleiðarin at siga í morgun.
