Jólaaftan sendir sjónvarpið allan seinnapartin til børnini.
- Bæði Sakin og Snipp Snapp eru latin í jólakápu og vísa vit millum annað ein part av spildurnýggju røðini um Pebba Grís. Eisini verður seinasti parturin av Stjørnudusti sendur tá.
Mentanarleiðarin í KvF, Barbara Samuelsen, vísir á, at 1. jólamorgun verður lagt fyri við beinleiðis gudstænastu úr Dómkirkjuni, har vakrir horntónar eisini verða at hoyra.
Út á kvøldið jóladag verður leitað aftur til drotningavitjanina í summar, og í sendingini verður fylgt við, tá flotta føðingardagsgávan til Hennara Hátign verður evnað til.
- Eftir drotningina kemur fyrri partur av yndisligu jólakonsertini, Jól við Løkin.
2. jólakvøld verður eins og undanfarin ár farið upp á gólv.
2. jólakvøld klokkan 20 verður forkunnugi, føroyski spælifilmurin, Illir Andar, vístur. Filmurin snýr seg um løgnar hendingar, sum fara fram í Sjónleikarahúsinum í Havn.
Barbara Samuelsen sigur, at eftir óhugnan í Sjónleikarahúsinum fer sjónvarpið at senda seinna part av jólakonsertini, Jól við Løkin.
Meira um skránna kann lesast á www.kvf.fo
