Fríggjadagin 13. juni, tá Sørvágs Country-og Bluesfestivalur er settur klokkan 17, sleppa børnini at royna seg á lítla palli.
- Ynskiligt er, at børnini velja ein country-ella bluessang at famføra. Treytin fyri luttøku er, at børnini sjálvi hava tónleikin við á geyma. Luttakarar eru eisini vælkomnir at hava guitara við sjálvi, um tað er ynskiligt.
Tað siga tey, sum standa aftan fyri Sørvágs Country-og Bluesfestival.
Lagt verður aftrat, at undirtøkan til tiltakið í fjør var heilt góð.
- Men, stuttligt hevði verið, um enn fleiri børn meldaðu seg til hesaferð, siga fyrireikararnir av tónleikatiltakinum í Sørvági.
Eins og undanfarnu ár verður aftur í ár hópur av ókeypis tiltøkum á festivalinum til børnini, bæði fríggjadagin og leygardagin - og longu hósdagin 12. juni verður Bassadagur á økinum.
