Barnaróður gentur: Nýggjur vinnari var í barnaróðrinum millum gentur í Fuglafirði í dag. Ørnin úr Sandavági vann á Norðoyastevnu og í Hósvík. Síðsta leygardag vann Tambar hjá Róðrarfelagnum Knørri í Havn, tá ið tað varð kappas á Jóansøku.
Í dag var Blikur hjá Argja Róðrarfelag fyrstur á mál. Blikur var knappliga eitt sekund ella ein hálvan skut frammanfyri Royndina Fríðu, sum var stavnin frammanfyri Ørnin. Tambar endaði í dag á fimta plássi meiri enn eina bátslongd aftanfyri vinnarabátin.
Um tølini frá undanfarnu róðrum verða nýtt sum metingargrundarlag, so var sigurin hjá Bliki óvæntaður. Á Norðoyastevnu var Blikur nummar tvey, í Hósvík var Blikur nummar trý, og á Jóansøku var Blikur nummar fýra.
Men í dag stóð eingin Bliki kurl.
Næstfremsta plássið hjá Royndini Fríðu er besta plaseringin hjá gentunum úr Vági. Á Norðoyastevnu vóru tær nummar trý, í Hósvík vóru tær nummar seks, og á Jóansøku endaðu tær á fimta plássi.
1 Blikur 02:42.09
2 Royndin Fríða 02:43.01
3 Ørnin 02:43.06
4 Hulda 02:44.00
5 Tambar 02:45.04
6 Jallurin 02:47.02
7 Pílur 02:47.17
8 Havfrúgvin 02:57.22
Støðan
1 Ørnin 24
2 Blikur 22
3 Hulda 20
4 Royndin Fríða 16
5 Tambar 15
6 Jallurin 10
7 Pílur 5
8 Kollur 0
9 Firvaldur 0
10 Havfrúgvin 0
