Tað eru framvegis dagbløðini, sum fóðra hinar miðlarnar við flest tíðindum vísir nýggj donsk kanning .
Heili 71 prosent av upprunasøgunum í dagliga tíðindastreyminum í Danmark stava frá dagbløðunum, meðan sjón- og útvarpsfólk standa fyri 12 prosentum av sonevndum egnum søgum.
Tað vísir ein kanning, sum verður kunngjørd í bókini »Hvor kommer nyhederne fra«, sum kemur út í morgin, veit www.journalisten.dk at siga
Eisini vísir kanningin, at fyri 10 árum síðani stavaðu 82 prosent av tíðindasøgunum frá bløðunum.
At prosenttalið nú er minkað hongur, sambært kanningini, saman við, at tvær sjónvarpstíðindarásir eru komnar afturat síðani, nevniliga TV2 News og Update.
Listin yvir, hvør framleiðir flest egnar tíðindasøgur, sær annars soleiðis út sambært kanningini:
Dagbløðini 71 prosent
Sjón- og útvarp: 12 prosent
Tíðindastovur/netmiðlar 10 prosent
Fakbløð/Magasin 7 prosent
