Aftur sunnudagin vóru veiðumenn upp á spæl í Klaksvík og oyðiløgdu onkra av bjarnunum hjá Bjørn Kalsø.
- Eygnavitni sá bil steðga við eina bjørn, sum stóð niðri í Vági í Klaksvík. 3 ungir avbygdamenn fóru úr bilinum, og gjørdu av við bjørnina. Bilurin koyrdi síðan avstað, skrivar Bjørn Kalsø á facebookvanga sínum.
Hesir veiðumenninir vóru tó sæddir í gerðini og viðkomandi legði sær nummarspjaldrið á bilinum í geyma.
Bjørn Kalsø skrivar, at hann síðani hevur tosað við ein av veiðumonnunum, sum hann kallar teir, og at hesin harmast um hendingina.
Aðrastaðni í landinum koma eisini fráboðanir um, at valplakatir vera oyðilagdar. Í farnu viku vóru plakatir hjá Javnaðarflokkinum skræddar niður á Marknagili og aðrastaðni í Havnini, meðan plakatir hjá serliga Fólkaflokkinum eru skræddar niður um vikuskiftið.
