Bjørn Kalsø, landsstýrismaður í Mentamálum, vitjaði seinnapartin týsdagin langhylin á Oyrunum í Vági.
Bjørn Kalsø, landsstýrismaður var, saman við aðalstjóranum og deildarstjórum, á vitjan í langhylinum í Vági. John Henrik Holm og Dennis Holm frá Grunninum Pálshøll tóku, saman við Hjalmar Magnussen frá Suðursmíð, ímóti og greiddu frá gongdini í arbeiðinum higartil, og hvussu arbeiðið verður skipað hereftir. Fylgið úr Mentamálaráðnum varð eisini á rundvísing í bygninginum.
Bjørn Kalsø, landsstýrismaður, fegnaðist um at verkætlanin var komin somikið áleiðis, at langhylurin skjótt kann takast í nýtslu, skrivar www.svimjihollin.com.
Eftir vitjanina inni á Oyrunum, varð landsstýrismaðurin kunnaður um verkætlanina og grundhugsanir aftanfyri verkætlanina.
Mentamálaráðið er, umvegis játtan á Fíggjarlógini, ein av stóru stuðlunum til byggingina av langhylinum inni á Oyrunum í Vági.
