Soleiðis skrivar Strandferðslan á Facebook:
– Strandferðslan bjóðar til opið skip umborð á Galaxy, ið liggur á Krambatanga, hósdagin 21. august frá kl. 16:00-18:00.
Sunnudagin kom grikska ferjan Galaxy á Krambatanga, har hon liggur til hon fer í sigling fyri Smyril 23. august.
– Í hesum sambandinum vil Strandferðslan tí bjóða øllum hjartaliga vælkomin umborð á Galaxy, til opið skip:
Hósdagin 21. august frá kl. 16:00-18:00.
– Á henda hátt kunnu kundar og ferðandi nýta høvi at síggja avloysaraskipið og gera seg kendan við umhvørvið umborð, skrivar Strandferðslan.
Galaxy byrjar í sigling á Suðuroyarleiðini leygardagin 23. august, og fer at røkja suðuroyarleiðina meðan Smyril er í dokk og til 20 ára klassing.
Dokkingin av Smyrli fer væntandi at varða í áleið 8-10 vikur.
