Tiltøkini á Vestanstevnuni í Miðvági verða ymisk og fjøllbroytt. Eitt av teimum ókeypis tiltøkunum er bjargingarroynd við tyrluni hjá Atlantsflog. Hetta verður á vágni í Miðvági leygardagin kl. 14.30 ella beint eftir sjálva setanina av stevnuni.
? Í hesi bjargingarroyndini fer tyrlan at samla upp einar fýra - fimm persónar úr sjónum, sigur Eyðstein Jacobsen, mekanikari á tyrluni.
? Ein maður verður loraður niður úr tyrluni við hoyst-krananum og skal so savna ein og ein mann upp í tyrluna. Vit gera hetta júst sum um tað var ein verulig hending.
Tað er manningin á tyrluni hjá Atlantsflog, sum verða við í venjingini. Offrini eru kortni frá Statens Luftfartsvesen.
Á tyrluni hava teir venjingar umleið einaferð um vikuna, men vanligt hava teir ikki venjingarnar alment. Onkur venjing hevur tó verið almenn áður - millum annað, tá ið teir vóru í Koltri.
Á Vestanstevnuni fáa øll áhugað møguleika at vera við at síggja hesa ókeypis bjargingarroyndina.
