Hann hevur tikið við venjarauppgávuni í Vestmanna sum eitt óløgi. Við sínum siðiliga og friðarliga framferðarhátti er hann farin í herna móti afturhaldssinnaða hugburðinum hjá vestmenningum. Úrslitini tala eisini sítt greiða mál. Við lágvaksna Haraldi Bjørgvin við stýrisvølin miða vestmenningar nú brádliga aftur eftir hæddunum í føroyskum hondbólti.
Men hann hevur ikki hug at gera stórvegis hóvastak burtur úr sínum avrikum. Honum dámar ikki reiðiliga at vera í andglettinum, men heldur at úrslitini skulu tala sína søk. Og eingin váðar sær at seta fingurin á hansara arbeiði. Tí við seks stigum av seks møguligum hevur hann prógvað sítt virði.
Hugburðsbroyting
Jónleif Sólsker hevði ongantíð fingið fótin fastan í venjarastarvinum, tá hann gavst sum venjari hjá VÍF í farna mánað. Vestmenningar avrikaðu langt frá tí, teir vóru mentir, og støðan varð so hættislig, at stoltleikin í Vestmanna, besta mansliðið hjá VÍF, var á niðurflytingarplássi. Tí fekk Harald Bjørgvin seg veruliga royndan, tá hann loysti Sólsker av. Men eitt miðvíst arbeiði við hugburðinum hjá leikarunum hevur víst seg at rigga framúr væl.
– Eg havi bara givið teimum tað, sum restaði í. Jónleif Sólsker hevur heilt víst givið teimum væl í beinini, tí rennimynstrini eru júst, sum tey skulu. Eg havi serliga lagt dent á at sett leikararnar upp til dystirnar, tí annað hevur ikki verið neyðugt. Eg eri ikki hann, sum stendur og geylar í skiftingarrúminum. Ítøkiliga og siðiliga havi eg greitt teimum frá, hvat hevur riggað væl og hvat, vit skulu broyta, sigur Harald Bjørgvin.
Uppgávan í Vestmanna er hansara fyrsta sum høvuðsvenjari. Í farna kappingarári hjálpti hann til við kvinnunum hjá Neistanum, sum endaðu á triðja plássinum. Harald Bjørgvin ger onga roynd at dylja, at hann stórtrívist í venjaraleiklutinum við evstu ábyrgdini.
– Tað er mest sum sjálvsagt, tí higartil hevur gingið serstakliga væl. Eg eri sera stoltur av úrslitunum, sum eg og leikararnir hava framt. Vit hava reist okkum eftir fáum vikum, og tí er uppgávan vorðin meira áhugaverd enn væntað, greiðir Harald Bjørgvin frá.
Tað er longu nú greitt, at hann ikki fer at standa á odda fyri VÍF eftir summarfrítíðina. Hann hevur játtað at hjálpt til í hesum kappingarárinum, men tíðin loyvir honum ikki at halda fram í sessinum.
Sami málsetningur
Tað eru ikki meira enn tríggjar vikur síðan, at VÍF var besta boðið upp á ein komandi niðurflytara. Men síðan er fullkomiliga vent í holuni. Við trimum leikumførum eftir at spæla eru vestmenningar á veg í FM-finaluna.
Men kortini vil Harald Bjørgvin ikki hoyra talan um finalupláss og gullmerki. Hansara málsetningur var at varðveita sætið í deildini.
– Eg gjørdi greitt á fyrsta leikarafundinum, at vit fyrst og fremst skuldu vinna okkum av aftasta plássinum. Tað hevur eydnast. Men vit eru fullgreiðir yvir, at tað ikki eru fleiri enn trý stig niður til aftasta plássið. Fáa vit einki stig komandi vikurnar, eru vit av álvara í niðuflytingarvanda. Tí ræður um at fáa armarnar niður sum skjótast. Men sjálvsagt ynskja vit eitt finalupláss, sigur Harald Bjørgvin.
