– Nógv fólk plaga at vera í kirkju á jólum, bæði jólaaftan og jóladag. Men hesaferð verður øðrvísi, sigur Jógvan Fríðriksson, bispur.
Ongar gudstænastur vera í dag og í morgin jóladag.
– Men við góðum samstarvi við Kringvarpið, so hava vit sjónvarpsgudstænastu bæði jólaaftan og jóladag, sigur bispur.
Í dag verður tað Ann Dahl Hansen, prestur, sum prædikar, og í morgin verður tað bispur sjálvur, sum hevur gudstænastuna í dómkirkjuni, Havnar kirkju.
Hoyrið samrøðu, sum Árni Gregersen á FM1 hevði við bisp í gjár.
