Grundgevingin fyri, at valið fall á júst Birgir Sondum er, at hann ger eitt stórt arbeiði í sambandi við ungdóm innan ítrótt. Bæði innan hondbólt, fótbólt, kappróður og frælsan ítrótt. Hetta fær nógv ung at hava sunn frítíðarítriv, stóð millum annað sagt í grundgevingunum hjá Kringvarpinum.
Tað eru lurtarar hjá kringvarpinum, sum skjóta upp, hvør skal hava ólavsøkublómutyssið, og ein dómsnevnd ger av, hvør av teimum í uppskoti skal hava ólavsøkublómutyssið.
