Stormur
Hóast álmanakkin sigur okkum, at tað er hásummar, vísti veruleikin okkum, at tað var sannur rokstormur við hørðum hvirlum kring landið leygardagin.
Í Kollafirði førdi tað til, at Bjargingarfelagið mátti til verka.
Beint eftir døgverða leygardagin tók vindurin eina 20 fót bingju á keiini so at hon feyk í havið. Hon rak við vindinum heilt yvir ímóti Signabø og boð mátti sendast eftir bjargingarfelagnum at bjarga støðuni.
Tey fingu ein alibát hjá Vestlaks at fara eftir bingjuni. Báturin setti á hana og sleipaði hana at bryggju, har hon so var bundin til ein kranabilur skuldi koma at taka hana uppaftur.
Á MRCC støðini verður sagt, at tað var ongantíð vandi á ferð
