Absalon Matras fer at greiða frá arbeiði sínum í Eysturevropa, og Martin Joensen, sangari og tónleikari, fer at syngja kendar sangir. Eisini verður burturlutan við nógvum góðum vinningum.
Úr Klaksvík siag tey, at innkomni peningurin fer til arbeiðið hjá Absaloni Matras.
– Nú, tá kvøldskúlar og annað vetrarítriv fer at halla, fara somuleiðis tær kvinnurnar, sum í vetur hava sitið og seymað teppi í Smæruni, at taka summarsteðg til heystar, siga fyrireikararnir.
Áhugabólkurin fyri Eldri, hevur staðið fyri hesum arbeiði. Tað er soleiðis, at nógvar kvinnur hava sitið og bundið ”fýrakantar”, sum tær lata inn til Áhugabólkin, ið síðani skipar fyri at seyma fýrakantarnar, sum eru 8 ferðir 11 cm, til teppi. Til hvørt teppi fara 88 fýrakantar. Sostatt hava vit seymað 2.200 fýrakantar saman til 25 teppi.
Áhugabólkurin sendir eina hjartans tøkk til øll tey mongu, ið hava sitið og evnað til fýrakantarnar, sum teppini verða gjørd av.
Teppini verða latin til Absalon Matras, ið síðani býtir tey út til fátøk fólk í t.d. Polandi og Rumeniu.
– Øll eru hjartaliga vælkomin í Smæruna til tiltakið, sigur áhugabólkurin.
