Í gjáramorgunin ávaraði løgreglan um, at fleiri bilførarar høvdu boðað frá, at tað var sera hált og nærmast ikki koyrandi á Oyggjarvegnum.
Bilførarar vórðu ávaraðir um ikki at fara á Oyggjarvegin, um tað ikki varð hægst neyðugt.
Sum fyrraparturin leið, og komið var út um middag, tiðnaði svarthálkan, og tað aftur vórðu líkindi at koyra eftir Oyggjarvegnum.
- Ein bilur fór út av vegnum við Hundsarabotn og endaði á takinum. Tvey fólk vóru í bilinum, og tey vórðu flutt á Landssjúkrahúsið til kanningar.
Vaktleiðarin sigur, at her var eingin álvarsligur fólkaskaði.
- Men, tey, sum vóru í bilinum, vóru skelkað av ógvusligu hendingini, sum tað altíð er, tá ein bilur fer út av og endar á takinum, verður lagt aftrat.
