Nakrar telefonsamrøður til løgregluna minnast tey betur enn aðrar.
Jólaaftan fekk løgreglan í Tróndheimi í Noreg eina slíka uppringing, upplýsir NTB tíðindastovan.
Tað vísti seg, at tað var ein biltjóvur, sum ringdi. Hann hevði brotið inn í ein bil hjá eini bilasølu í Tróndheimi.
Men tað eydnaðist honum ikki at starta bilin, og tað gjørdist enn verri fyri hann.
Tí hann fann út av, at hann var innilæstur. Men hann hevði telefonina uppi á sær.
– Og tá er gott, at tað ber til at ringja til løgregluna eftir hjálp, stendur í boðunum frá løgregluni.
Løgreglan kom á staðið og fekk mannin úr bilinum.
Men tað var bara fyri at koyra hann á løgreglustøðina, har hann aftur var innilæstur, men hesaferð í brummuni.
/ritzau/
