Tað hevur verið ein stak friðarlig nátt hjá løgregluni, og dagurin í dag er eisini merktur av, at tað er heiligdagur.
Løgreglan hevði tó okkurt smávegis at gera í gjár, tí tá vóru løgreglufólk farin at gera nakrar kanningar í Havn, Klaksvík og Runavík.
Í Klaksvík og Runavík fingu fimm bilførarar bót fyri at snakka í telefon, meðan teir koyrdu.
Eisini var løgreglan og gjørdi ferðmátingar við lasara í Havn, og har vóru tveir bilar, sum koyrdu ov skjótt. Í nátt vóru løgreglufólkini eisini úti í Havn, og tá bleiv ein bilførari tikin aftrat fyri at koyra ov skjótt. Løgreglan var eisini ein túr á Kaldbaksvegnum, og har var eisini ein, sum koyrdi ov skjótt, og sama skilið var í Søldafirði.
Ferðmátingarnar vóru: 75 km/t, 68 km/t, 72 km/t, 72 km/t, 71 km/t og 119 km/t.
Teir bilførararnir, sum koyrdu ov skjótt, fáa klipp í koyrikortið, meðan teir, sum koyrdu við telefon, fáa eina bót.
