Sølan av nýggjum bilum heldur fram at veksa.
Tað sæst, nú Akstovan hevur jørt upp, hvussu nógvir bilar eru skrásettir 11 teir fyrstu mánaðirnar í ár, afturímóti sama tíðarskeiði í fjør.
Uppgerðin vísir, at higartil í ár eru 2344 akfør seld og tað eru 362 fleiri enn í sama tíðarskeiði í fjør. Vøksturin í ár er sostatt sløk 18,3 prosent.
Tað er talið á persónbilum, sum eigur bróðurpartin av vøkstrinum, tí higartil í ár, eru 1680 persónbilar seldir, og tað eru 220 bilar fleiri enn í teir fyrstu 11 mánaðirnar í fjør, tá ið 1460 persónbilar vórðu seldir. Sostatt er vøksturin góð 15 prosent.
