Tað er ikki bara í Føroyum, at bilasølan nú kvinkar uppeftir. Europiski felagsskapurin fyri bilaframleiðarar sigur, at januar mánaður í ár hevur víst eina stóra framgongd í søluni av nýggjum bilum.
Ikki minst er tað sonevnda skrottgjaldið, sum bretar og italiumenn hava ásett, sum ger góðan mun. Framgongdin í hesum báðum londunum hevur verið um 30% í januar mánaði í ár.
Fyri samlaða europiska marknaðin hevur framgongdin í januar mánaði verið 17,3%.
