Nú Bilafestivalur er á Toftum alt vikuskiftið, verður eisini forvitnisligt kjak um eitt nú bilar og grøna orku.
Pallborðsfundurin byrjar klokkan 14, og hann verður í stóra tjaldinum á festivaløkinum.
Her fara Ingilín Strøm, landsstýriskvinna í umhvørvismálum, Tummas Pauli av Reyni, Justin Philbrow og Jaspur Jan Olsen at kjakast.
Menningin innan grøna orku er stór, serliga á landi, men eisini á sjógvi.
Í Føroyum hava vit fingið fleiri el-bilar, og vit hava fingið el-tvíkilju sum arbeiðsbát í alivinnuni.
Skjótt koyra nakrir el-bussar fyri Bussleiðina í Havn, og í kirkjugarðinum við Velbastaðvegin er fyrsta el-gravimaskinan komin.
Landsstýriskvinnan, Ingilín Strøm, hevur nógv upp á hjarta um alternativa orku, og spennandi verður at fylgja kjakinum á Bilafestivalinum í dag.
