Amerikanski forsetin, Joe Biden, hevur gjørt viðmerkingar til seinasta russiska álopið á Ukraina á alljósum degi í gjár.
- Hetta er ein ræðulig áminning um russiska brutalitetin, skrivar forsetin á X, fyrrverandi Twitter.
Í minsta lagi 36 fólk lótu lív í russiska álopinum, sum eitt nú varð vent móti ukrainska høvuðsstaðnum, Kyiv, har eitt barnasjúkrahús varð rakt.
- Tað er týdningarmikið, at heimurin heldur fram við stuðlinum til Ukraina, og at vit ikki síggja burtur frá russisku aggressiónini, skivar forsetin.
Í dag byrjar Nato-toppfundurin í Washington, har eitt nú ukrainski forsetin, Volodymyr Zelenskyj, fer at luttaka.
- Eg fari at hitta ukrainska forsetan og gera honum greitt, at okkara stuðul til Ukraina er óviðkaligur, sigur Joe Biden.
