Í dag klokkan 13.00 fara fólk, sum siga seg umboða kirkju og samkomur kring landið, at skipa fyri mótmælistiltakið, har tey vilja vísa sína hugsan í hjúnabandslógini. Helgi Abrahamsen er ein av fyrireikarunum.
Á Facebook skrivar hann, at í samband við triðju viðgerð av hjúnabandslógini verður tiltakið á Tinghúsvøllinum, og endamálið er at vísa Føroya Løgtingi teirra støðu í málinum.
- Vit vilja vísa, at vit eru samd við biskupi í, tá ið hann sigur: "Biskupur er í síni trúgv gróðursettur í tí klassisku fatanini av hjúnalagnum, at tað er liður í Guðs skapan og ein skipað samvera millum mann og kvinnu.", skrivar Helgi Abrahamsen á Facebook.
Skráin er hendan:
Vælkomin
Felagssangur: Boðar tú til allar tjóðir
Kunning um tiltakið
Biðja Faðir vár
Tjóðsangurin
Fyrireikararnir, ið umboða kirkjur og samkomur í Føroyum vóna, at fólk møta fjølment.
