Venjarin hjá Liverpool, Rafael Benitez, vónar, at enski landsliðsvenjarin Fabio Capello ikki fer at úttaka Steven Gerrard til komandi landsdyst hjá Onglandi. Gerrard stríðist við skaða í lærkrikanum, og Liverpool-venjarin vónar, at Capello fer at geva Gerrard frí, hóast hann kanska fær spælitíð í dystinum hjá Liverpool í kvøld. - Eg dugi ikki at síggja nakra orsøk til, at ein spælari, sum ikki hevur vant við okkum seinastu 15 dagarnar, verður úttikin til landsliðið, sigur Benitez.
