Fríggjakvøldið frá klokkan 18 til 21 skipar Hondbóltssambandið fyri venjaraskeiði í skúlanum á Argjahamri á Argjum, og er hetta eitt skeið við serligum denti á málmansvenjing.
Sama skeið verður eisini hildið í annaðhvørt Eysturoynni ella Klaksvík mikukvøldið 5. mars, somuleiðis frá klokkan 18 til 21.
Skeiðið, sum er partur av venjaraútbúgvingini hjá Hondbóltssambandinum, snýr sum um, hvørjar venjingar hava týdning fyri ungar málverjar og hvussu venjingin til málverjar kann leggjast til rættis.
Ásannandi, at fleiri feløg í landinum hava trupult við at skúla og menna málverjar í yngru aldursbólkunum, roynir venjaraútbúgvingin hjá Hondbóltssambandinum nú bøta um hetta við hesum báðum skeiðsdøgunum, ið seta málverjan í fokus.
