Venjingarrúmið á Svangaskarði er nú opið aftur. Seinastu tíðina er venjingarrúmið umvælt og víðkað, eins og nýggj amboð eru keypt.
Í Nes kommunu siga tey, at seinasta hond varð løgd á verkið í gjár, og nú er høvi at venja aftur.
Umframt tey amboðini, sum higartil eru keypt, koma nøkur nýggj amboð aftrat í januar.
Súni í Hjøllum, borgarstjóri í Nes kommunu, sigur, at kommunan hevur keypt nýggj venjingaramboð fyri 250.000 krónur.
- Haraftrat hava vit brúkt pengar upp á umvælingar og víðkan av venjingarhølunum, leggur hann aftrat.
Tað eru íbúgvar í Nes kommunu, sum hava atgongd til venjingarhølini og lykil fæst fyri 200 krónur við at venda sær til umsjónarmannin.
